Motivational shayari

KASHISH DIL KI HAR CHEEZ BHULA DETI HAI
BANDH ANKHO MAIN BHI SAPNAY SAJA DETI HAI
SAPNO KI DUNIYA ZAROOR RAKHNA AYE DOST
KYUNKI HAQEEQAT TO AKSAR RULA DETI HAI

Hamari Sonch Ke Parwaz Ko Roke Nahin Koi
Naye Aflak Pe Pehra Bitha Kar Kuch Nahi Milta
Koi ik Aadh Sapna Ho To Phir Acha Bhi Lagta hai
Hazaron Khawab Ankhon Mein Saja Kar Kuch Nahi Milta
Use Kehna Ke Palkon Per Na Tanke Khwab Ke Jhalar
Samandar Ke Kinare Ghar Bana Kar Kuch Nahi Milta
Ye Acha Hai ke Aapas Ke Bharam Naa Totne Payein
Kabhi Bhi Doston Ko Aazma Kar Kuch Nahi Milta
Faqat Tumse Hi Karta Hoon Main Sari Raaz Ki Batein
Har Ik Ko Dastan-E-Dil Suna Kar Kuch Nahi Milta
Amal Ki Sookhti Rag Mein Zara Sa Khoon Shamil Kar
Mere Humdam Faqat Batein Banakar Kuch Nahi Milta

Apne sapano ko hakikat ki jamee dena
in pathrai aanko ko thodi si nami dena
dena karm ko dhan se adhik pradhaanta
dushto ko dena dand aur apno ki mitana agyaanta

Kaante milte hain phoolon ki tlaash mein
gham milte hain khushiyon ki talaash mein
intezaar milta hai chahat ki aas mein
Par ye rah-e-guzar to bas chalta hi jaata hai
Kaarawaan mil nahi jaata apni manzil se

Muddat huye nazara-e-toofaan kiye huye
Sahil supurd-e-khatra-e-toofaan kiye huye
Bawar nahin tu dekh ke zinda hai kis tarah
Basti ghariq-e-moja-e-toofaan kiye huye
Tinke se beh gaye yahan jitne the zorwar
Khud ko harif-e-ghamzae toofaan kiye huye
Ashk-e-rawaa ke josh se basti ke deedawar
Baithe hai khud se wada-e-toofaan kiye huye
Jo bach gaye the dhoop mein jalne ke bawajood
Baithe hai sir pe say-e-toofaan kiye huye
Arsa guzar gaya mujhe apne shor ko
Mehv-e-sada-e-naghma-e-toofaan kiye huye